ខេត្តបាត់ដំបង៖ ដោយទទួលបានការណែនាំ របស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង នៅថ្ងៃទី19 ខែកញ្ញា ឆ្នាំ២០២៥ លោកអនុសេនីយ៍ឯក ចាន់ ថានូ អធិការនៃអធិការដ្ឋាននគរបាលស្រុកគាស់ក្រឡ បានដឹកនាំកម្លាំងជំនាញផ្នែកយុត្តិធម៌ សហការជាមួយ កម្លាំងអន្តរាគមន៍ និងប៉ុស្តិ៍នគរបាលរដ្ឋបាល ចុះធ្វើការស្រាវជ្រាវករណីបង្កហិង្សា មួយករណី បង្កដោយយុវជន 02ក្រុម នៅចំណុចភូមិកន្ទួត ឃុំធិបតី ស្រុកគាស់ក្រឡ ខេត្តបាត់ដំបង ជាលទ្ធផលនៃការស្រាវជ្រាវបានធ្វើការកំណត់ និងនាំខ្លួន យុវជន02ក្រុម សរុប08នាក់ ដើម្បីធ្វើការសាកសួរ ៖

ក្រុមទី01
1.ឈ្មោះ អេប វីត ភេទប្រុសអាយុ20 ឆ្នាំ
2.ឈ្មោះ សិញ សល់ភេទប្រុស អាយុ16 ឆ្នាំ
3.ឈ្មោះសូ សេរីពុទ្ធិភេទប្រុស អាយុ16 ឆ្នាំ
4.ឈ្មោះកឿប រនតៈ ភេទប្រុស អាយុ16 ឆ្នាំ
5.ឈ្មោះចិត្ត ណាវីន ភេទប្រុស អាយុ15 ឆ្នាំ
ក្រោយធ្វើការសាកសួររួច ឈ្មោះ អេប វីត ភេទប្រុសអាយុ20 ឆ្នាំ រស់នៅភូមិឆាយបល្ល័ង្គ ឃុំធិបតី ស្រុកគាស់ក្រឡ ខេត្តបាត់ដំបង បានឆ្លើយសារភាពថា កាលពីថ្ងៃទី17 ខែកញ្ញា ឆ្នាំ2025 វេលាម៉ោង21និង20នាទី ខ្លួននិងបក្ខពួកមានគ្នា5នាក់ បានធ្វេីសកម្មភាព ជិះម៉ូតូដេញតាមនិងយកដុំថ្មគប់ទៅលើក្រុមម្ខាងទៀត ពិតប្រាកដមែន មូលហេតុ ខឹងមើលមុខឌឺដង ។

ក្រុមទី02
1.ឈ្មោះ ថូន ថេត ភេទប្រុស អាយុ 17ឆ្នាំ
2.ឈ្មោះហូ សុខហេង ភេទប្រុស អាយុ 20ឆ្នាំ
3.ឈ្មោះមឿង សុវណ្ណ ភេទប្រុស អាយុ 19ឆ្នាំ
ក្រោយធ្វើការសាកសួររួច ឈ្មោះមឿង សុវណ្ណ ភេទប្រុស អាយុ 19ឆ្នាំ រស់នៅភូមិទួលបល្ល័ង្គ ឃុំគាស់ក្រឡ ស្រុកគាស់ក្រឡ ខេត្តបាត់ដំបង បានឆ្លើយសារភាពថា ខ្លួននិងបក្ខពួកមានគ្នា3នាក់ បានធ្វេីសកម្មភាព យកកយកកាំបិតដងដែក កាប់ទៅលើក្រុមម្ខាងទៀត តែមិនចំ ចំតែម៉ូតូ ពិតប្រាកដមែន មូលហេតុ ខឹងក្រុមម្ខាងទៀតជិះម៉ូតូដេញតាមនិងយកដុំថ្មគប់ខ្លួន ។

+វត្ថុតាងដកហូតរួមមាន
ក្រុមទី01
-ទូរស័ព្ទ ០៣គ្រឿង (ចាស់)
-ម៉ូតូ០១គ្រឿង ម៉ាកហុងដាឌ្រីម ពណ៌ក្រហម សេរីឆ្នាំ២០២២ លេខតួលេខម៉ាសុីនND125ME 6195208 ពាក់ស្លាកលេខ 1AQ 7278 បាត់ដំបង។
ក្រុមទី02
-កាំបិតដងដែក ចំនួន ១
-ទូរស័ព្ទ ចំនួន ២គ្រឿង

ក្រោយធ្វើការសាកសួររួចកម្លាំងយើងកំពុងកសាងសំណុំរឿងបញ្ជូនទៅការិយាល័យជំនាញអនុវត្តតាមនីតិវិធី ៕